Секој ги знае главните разлики помеѓу машките и женските мозоци. Едниот зборува многу, но никогаш не заборава и се грижи за другите, додека другиот е посмирен, иако поимпулсивен, но ја завршува работата. Секако, ова се стереотипи.

Истражувачите со години напорно работеле за да ги најдат разликите помеѓу машкиот и женскиот мозок, но можеби сето тоа било залудно. Неврологот Лис Елиот направила анализа на истражувања за разликите помеѓу машкиот и женскиот мозок спроведени во последните 30 години. Таа заклучила дека освен разликата во големината, нема значајни разлики во структурата и активноста на машкиот и женскиот мозок.


Таа додава дека ниту една од малите разлики не ги објаснува познатите разлики во карактерот и способностите на мажите и на жените. Кај некои животни постојат значајни разлики во мозоците на различните полови, но кај луѓето тоа не е така, вели Елиот.

Машкиот мозок е околу 11% поголем од женскиот, но ниту еден мозочен регион не е непропорционално поголем. Големината на мозокот одговара на големината на телото.


Понатаму, истражувачите ја отфрлиле хипотезата дека малата разлика во поврзаноста помеѓу левата и десната хемисфера ги објаснува разликите во однесувањето.

Елиот пишува дека иако научниците се надевале дека ќе ги откријат разликите со поголеми истражувања, резултатите од ваквите истражувања покажувале помали разлики меѓу машкиот и женскиот мозок. Ова е и покрај тоа што во списанијата почесто се објавувале истражувања што наоѓале разлики отколку такви што не наоѓале, вели таа.

Автор: Лис Елиот
Извор: theconversation.com