Би ве замолила за совет за мојот проблем. Ќе се разведеме со сопругот, со кој бевме 7 години во брак и имаме 7-годишна ќерка. Се преселивме со ќеркичката пред еден месец во друга куќа и полека почнуваме да се средуваме. Со маж ми уште на почетокот имавме несогласувања, имаше премногу љубомора и гушење. Беше многу добар манипулатор со што ќе те натера да си помислиш дека си самиот виновен за што и да е. Неколку години наназад почна и да се коцка, па ништо не го интересираше за дома и сега решив да ставиме крај. Порано не го интересираше ништо за детето, а сега во време на карантин нема што да прави, ја бара и преку ден да ја носам и спие таму. Но таму тој не се замара, не ја игра и таа знае да ми се јави и да каже дека и недостигам, да плаче. А се јавува скришум од него.

Ова е дел од прашањето на читателка упатено до психолозите и психотерапевтите на Деца.мк.
Одговорот на Радмила Живановиќ прочитајте го на овој ЛИНК.