Додека некои професии не носат стрес, одржувањето здрава рамнотежа помеѓу работата и животот може да изгледа невозможно за многумина.

Лесниот пристап до технологијата, нејасните граници околу работното и личното време, како и стравот од губење работа, тера многумина да работат прекувремено и да не го користат времето за одмор или боледување.

Меѓутоа, во некои градови низ светот, ситуацијата е многу поинаква. Во најдобро рангираните локации, компаниите им нудат на работниците можност да одржуваат рамнотежа помеѓу работата и животот преку добра здравствена заштита, доволно време за одмор и слично.

Во овој графикон, искористено е рангирањето од „Форбс адвајсор“ за 2023 година за да се истакнат врвните градови во светот кои поттикнуваат рамнотежа помеѓу работата и животот. Рангирањето ги споредува податоците од 128 градови за да го формира резултатот за рамнотежа помеѓу работата и животот, кој е означен на скала од 100. Колку е поголем резултатот, толку е подобар балансот помеѓу работата и животот на работниците во градот.

Европа е на врвот на табелата

20 од 25 градови со најдобар баланс помеѓу работата и животот се наоѓаат во Европа. Различниот опсег на култури и животни стилови во овие градови им нуди на своите жители рамнотежа помеѓу работата и личниот живот.

Најдобриот град на оваа листа, со резултат од 70,5/100 рамнотежа помеѓу работата и животот, е Копенхаген, Данска. Високиот животен стандард на градот, ниската стапка на невработеност, 52-неделното родителско отсуство и фокусирањето на одржливоста и зелените површини придонесуваат за врвниот резултат на градот. Исто така, помага и данскиот начин на живот во кој фокусот е на одвојување време за грижа за себе и релаксација.

Здравиот начин на живот заедно со дарежливите политики за одмор и родителско отсуство, исто така, ги ставија европските градови Хелсинки, Стокхолм и Осло во првите пет на оваа листа. Всушност, просечната работна недела на вработените во овие градови паѓа под 30 часа. Процентот на далечински работни места во Хелсинки, Финска е над 50 отсто.


Балансирање на работата и животот во Океанија

Иако Европа доминира на топ 25 листата, некои градови во Океанија, исто така, може да се пофалат со резултати за здрава рамнотежа помеѓу работата и животот.

Рангирани на петтото место на листата на градови со најдобар баланс помеѓу работата и животот, работниците во Окланд, Нов Зеланд, имаат просечно 26,3 часа работна недела и едногодишно родителско отсуство.

Во меѓувреме, градовите Бризбејн (53,3), Мелбурн (53,1) и Сиднеј (51,4) во Австралија имаат просечна работна недела од 32,4 часа до 38 часа. Сончевото време во овие градови позитивно влијае и на нивните резултати.

За некои, безбедноста е клучна

Главниот град на Обединетите Арапски Емирати е единствениот азиски град кој се најде на оваа топ 25 листа, и тоа е и покрај високите цени на имотот и релативно малиот број на денови за одмор достапни за работниците. Од друга страна, градот е безбеден, сончев и може да се пофали со висок квалитет на живот.

Извор: Visualcapitalist.com
Фото: Visual Capitalist