Препознатливите верзии на класични рок-песни, во овој случај „Another Brick in the Wall“ на британскиот бенд „Пинк Флојд“, може да се реконструираат од мозочната активност. Истражувачите од Универзитетот на Калифорнија во Беркли успеаја да го направат токму тоа.

За да ја реконструираат песната, тие користеле нелинеарно моделирање за декодирање на мозочната активност. Моделите за кодирање, исто така, открија нов подрегион во темпоралниот лобус кој игра улога во перцепцијата на ритамот. Претходните истражувања покажале дека компјутерското моделирање може да се користи за декодирање и реконструкција на говорот, но досега не постоеше предвидувачки модел за музика кој вклучува елементи како мелодија, хармонија или ритам.

Истражувачите успеаја да создадат таков модел со примена на нелинеарно декодирање на мозочната активност снимена со 2.668 електроди поставени директно на мозоците на 29 лица кои слушале класичен рок. Анализата на елементите на песната откри уникатен регион што го претставува ритамот, во овој случај ритамот на гитарата во рок-музиката. За да откријат кои региони и кои елементи од песната се најважни, тие отстраниле различни податоци и потоа ги споредиле овие реконструкции со вистинската песна.

Истражувачите потоа одново ја снимиле песната користејќи ги податоците од анализата на мозочните бранови на учесниците. Во видеото во продолжение може да ги слушнете оригиналната песна и верзијата создадена од истражувачите.


Извор: Bug
Насловна фотографија: Pixabay