Пуоланка, мал град во Финска, стана познат по песимизмот. Таму дури има и Песимистичка асоцијација.

- Еден од главните аргументи против песимистичките активности беше дека ако правиме и покажуваме грди нешта, Пуоланка ќе ја изгуби репутацијата. Но, клучното прашање е: Која репутација? - вели Томи Рајала, песимист од Пуоланка.

Рита Никенен, исто така, песимист, објаснува дека сè започнало кога станале љубоморни што сите други градови имале свои настани, а во Пуоланка немало ништо.

Асоцијацијата била основана пред повеќе од 10 години и е делумно инспирирана од тоа како луѓето однадвор го доживуваат градот.

Томи објаснува дека секогаш кога нивниот град ќе се најде во очите на јавноста, тој е дел од најнегативната група.

- Ако не е најлош во сите статистички рангирања, тој е втор или трет најлош од сите фински општини. Па, нормално, на локалното население му е смачено од тоа - вели Томи.