Роботите за качување можат да истражуваат места до кои конвенционалните ровери не можат да пристапат поради стрмниот терен, што може да биде од голема корист за истражувањето на Марс.

Истражувачите од Институтот за роботика на Универзитетот „Карнеги Мелон“ во САД развиваат роботи опремени со микроспинални држачи, кои се особено погодни за качување по карпести предели. Новиот робот, кој го нарекле ЛОРИС, носи иновации за слободно качување во форма на целосно пасивен држач и зглобови на рачниот зглоб, кои овозможуваат безбедно држење додека ја намалуваат масата. Силите се дистрибуираат помеѓу држачите на роботот, користејќи контролна стратегија заснована на оптимизација, за да се намали ризикот од неочекувано раздвојување.

Прототипот на роботот демонстрира вертикално качување и на рамни ѕидови од блокови црвеница и на нерамни површини на карпи во целосна Земјина гравитација, како што можете да се види во видеото.

Според истражувачите, ЛОРИС ги комбинира малата тежина, брзината, енергетската ефикасност и едноставноста на пасивните микроспинални држачи со робусноста и приспособливоста на активните држачи. И како дополнителен бонус, роботот е дизајниран да биде едноставен и евтин за производство.

Развојот на роботот бил кофинансиран од НАСА, која го гледа како нов тип на роботски истражувач на Марс, но има многубројни можности за примена и на Земјата, на пример, во службите за помош и спасување по земјотреси и други природни катастрофи.

Извор: vidi.hr

Фото: YouTube screenshot