Сите сакаат исхрана со малку јаглехидрати. Лебот не се јаде. Тестенините се преценети. А луѓето на диета експериментираат колку далеку можат да одат со ниско внесување на јаглехидрати. Еве што може да ви се случи ако се откажете од лебот:

1. Губите вода од организмот

Кога го намалувате внесот на јаглехидрати, првото нешто што ќе го забележите е колку брзо, како магија, телесната тежина започнува да се намалува. Но, тоа што го губите не се масти. Тоа е вода.

-Кога јаглехидратите се складираат во организмот во форма на гликоген, секој грам јаглехидрати чува три до четири пати од својата тежина во вода - веди нутриционистот Мери Спано. Тоа значи дека штом ги исфрлите јаглехидратите и започнете да ги користите вашите залихи на гликоген, ќе изгубите голема количина на вода.

2. Ќе добиете грип предизвикан од недостаток на јаглехидрати

-Јаглехидратите се главен извор на енергија за мозокот. Кога некој го намалува внесто на јаглехидрати, мозокот послабо работи, особено кога се намалува и исчезнува залихата на гликогенот - вели Спано.

3. Ви се намалува желбата за храна

Преработените јаглехидрати се критикувани затоа што поради нив нагло скока нивото на шеќер во крвта, што исто толку нагло опаѓа. Неодамнешното истражување, укажува дека оваа промена ги активира центрите за зависност во мозокот, што доведува до последична желба за храна. Изборот на житарки од цели зрна богати со влакна може да ги спречи овие осцилации и така да ја спречи желбата за храна, вели нутриционистот Алекс Каспер.

4. Ризикот од срцеви заболувања и дијабетес може да се зголеми - или намали

Видот на житарици што ги исфрлате има важна улога. На пример, едно истражување од 2014 година открива дека преработените јаглехидрати го зголемуваат нивото на масна киселина во телото (наречена палминолеинска киселина), што доведува до зголемен ризик од срцеви заболувања и дијабетес. Спротивно на тоа, според наводите од Американската асоцијација за здравје на срцето, житарките од цело зрно може да го подобрат нивото на холестерол во крвта и да го намалат ризикот од срцеви болести, мозочен удар, дебелина и дијабетес тип 2. Изборот е очигледен.

5. Опаѓа нивото на енергија

Житарките од цело зрно се одличен извор на железо, магнезиум и Б витамин, што се од суштинско одржување на нивото на енергија. Многу луѓе веќе имаат недостаток на магнезиум, а покрај тоа, со оглед на тоа што јаглехидратите се омилен извор на енергија за вашето тело, сите ваши клетки ја намалуваат работата без здрави залихи.

6. Се соочувате со опстипација

Внесувањето на житарки од цело зрно, има важна улога во внесувањето на влакната, велат резултатите од неодамнешно објавеното истражување во магазинот „Истражување за исхрана“, во кое учествувале 92 отсто од возрасните во САД кои не внесуваат доволно житарки. Влакната, несварливиот дел од растението како што се житарките, не само што помагаат да се стабилизира нивото на шеќер во крвта, туку и го намалуваат ризикот од дебелина и хронични болести и овозможуваат редовно да ги празните цревата.

7.  Ви се влошува расположението

И тоа не само затоа што јадете сендвичи во кои листовите од зелената салата се замена за лебот. Јаглехидратите, без оглед дали се цели или преработени, го золемуваат нивното на невротрансмитеи во мозокот одоговорен за добро расположение наречен серотонин.

8. Не вежбате како што треба

-Јаглехдиратите се основен извор на енергија во телото, потребни за вежбање и тоа за вежби за издржливост и вежби за отпор. Ако ги исфрлите, вашата енергија опаѓа. Ако го намалите нивото на јаглхидрати што ги чува вашето тело, ја намалувате вашата способност да примените сила. А колку ви се послаби вежбите, толку се и послаби резултатите - вели Спано.