Гонзало Мораторио стави мораториум на заразата со новиот коронавирус. Вирусологот, кој работи на Институтот „Пастер“ на Универзитетот во Монтевидео, денес во Уругвај се смета за голема ѕвезда.


Во Уругвај, 50 луѓе починале по 10 декември, што покажува дека земјата се соочува со втор бран, но и понатаму нејзините податоци се далеку подобри отколку на соседите.

- Ние сме некое отстапување, како грешка во матрицата. Си купуваме време. А тоа време е скапоцено - вели уругвајскиот научник.

Мораторио докторирал во Париз во 2018 година, на Институтот „Пастер“, а на почетокот од оваа година на Институтот „Пастер“ во Монтевидео добил и сопствена лабораторија во која имал намера да ги проучува мутациите на вирусот и како може да ги направи помалку опасни. Но, во март со колегите од другите јужноамерикански земји тој се најде во онлајн-дискусија за тоа што треба да се направи со новиот коронавирус. Повеќето од нив не се возбудувале многу, а во Уругвај се сметало дека новата опасност ќе ги заобиколи. Во случај на Уругвај тоа може да се заклучи, со оглед на тоа што земјата има 3,5 милиони жители, и успешно минато: успеа да ги избегне жолтата треска, вирусот зика и други заразни болести од кои страдаа соседните земји. Но, постојат предуслови за тоа - Уругвај има добро развоен систем за јавно здравје во кој има робусна епидемиолошка служба. Но, Мораторио навреме сфати дека дури и тоа нема да биде доволно за да се избегне вирусот. Наспроти популарното верување, тој инсистирал веднаш да се почне со тестирање и позитивните да се изолираат. Но, се соочил со проблем што сите земји го имаа - дијагностиката набрзо исчезна.

Имало само една решение - Уругвај да стане независна од надворешните решенија за тестирања. Од 13 март, кога бил откриен првиот случај на Ковид-19, земјата прогласи вонредна состојба, затворајќи ги училиштата, продавниците, ограничувајќи ги летовите и граничните премини. Од луѓето се побарало да се изолираат. Дотогаш Мораторио и неговиот асистент Пилар Морено заедно со вработените во неговата лабораторија развиле сопствен тест кој исто така ја користи ПЦР-техниката за откривање на САРС-КоВ-2. Со помош на министерството за здравство беше обучен персоналот и беше создадена мрежа за тестирање во цела земја. До крајот на мај Уругвај можеше да тестира по 800 луѓе на ден.

Уругвај се бори со пандемијата на импресивен начин. Но, како и другите земји, во Уругвај сега се забележува пораст на позитивните и починатите, а Гонзало е внимателен човек.

- Се плашам дека во еден момент нема да можеме да ја спречиме заразата - вели тој.

До денес, Мораторио има објавено 40 научни трудови, развил патентиран начин за развој на синтетички вакцини против РНК-вируси. Да не заборавиме, има само 38 години.

Извор: Vecernji.hr
Фото: Screenshot/YouTube