Покрај зеленилото, парковите и пешачките зони, Љубљана може да се пофали и со титулата енергичен универзитетски центар. Многу студенти од нашата и од други земји се одлучуваат да студираат токму во главниот град на Словенија.
Репортажа на хрватската телевизија ХРТ покажува зошто студентите го сакаат овој град, но и зошто студентите во Љубљана се граѓани од прв ред. На љубљанските факултети студираат дури 40.000 студенти, а ова го исполнува градот со младешка енергија.
- Покрај тоа што школарината се финансира од јавни средства, имаме потпишано договори и со сите земји од поранешна Југославија, вклучително и со Хрватска, дека учениците што доаѓаат од тие земји нема да плаќаат школарина овде, така што бројот на студенти од тие земји се зголемува - посочува проф. д-р Љубица Кнежевиќ-Цвелбар од Универзитетот во Љубљана.
Тоа е првата причина, но има и многу придобивки за студентите.
- Имаат ваучери за студентски оброци со кои можат да јадат во сите ресторани во Словенија. Со купони имаат попуст од 50 до 70 отсто. Значи овде студентите се претежно во рестораните. Може да се најде студентска работа преку студентски служби за да можат да работат. Имаат и попусти за превоз, за влез на културни настани - додава Кнежевиќ-Цвелбар.
Дури и познатиот режисер Мајкл Мур ја посети Љубљана поради тамошниот универзитет.
- Словенија има свој идентитет и се труди да го зачува. Имаше голема дебата за тоа како се интернационализиравме, како да го зачуваме словенечкиот јазик, но тој мора да се приспособи и да се отвори кон светот - заклучува Кнежевиќ-Цвелбар, која и самата се преселила во Љубљана да студира и на крајот останала да живее таму.
Извор:
HRT
Насловна фотографија: Pixabay