Вчера попладне силно невреме го зафати главниот град. Облаците подолго се задржаа над Скопје, при што граѓаните се соочија со силен и пороен дожд, град, ветер и поплави.
Невремето нанесе големи штети врз куќите, зградите, улиците, парковите, автомобилите и слично. Неколку скопски подвозници беа поплавени, а и голем број возила беа блокирани во сообраќајот.
По смирувањето на силниот дожд, екипи на ЈП Улици и патишта - Скопје интервенираа со цела оператива и механизација на терен, кои притоа беа поделени по реони за да дејствуваат на расчистувањето на улиците и тротоарите и нормализирање на сообраќајот. Паралелно екипите се координираа со ЈП Паркови и заленило и ЈП Водовод со кои интервенираа на расчистување на сливниците и паднатите дрвја и билборди од коловозите и тротоарите.
Утрово исто така и екипите на Општина Центар ги чистеа паднатите дрвја и штети кои беа направени од невремето.
Погледнете како изгледаше невремето вчера: