Минатата година Институтот за родови студии при Филозофскиот факултет-Скопје, УКИМ, го одбележа својот јубилеј – 15 години успешна работа и придонес во областа на родовите студии. Во рамките на ова одбележување Институтот ja креира AI платформата за родовите студии https://rodovistudii.zapier.app/ со цел да ги подобри и прошири своите активности и влијание во областа на родовите студии. AI платформа за родовите студии е независен проект на Институтот за родови студии (ИРС). Директно одговорни за проектот се проф. д-р Боби Бадаревски и м-р Стефан Васев со голема поддршка на проф. д-р Симоновска и проф. д-р Скаловски.

Проф. д-р Боби Бадаревски

Креирањето на AI платформата имаше повеќе мотиви и цели. Еден од главните мотиви е да им се овозможи пристап на студентите, професорите, но и на пошироката јавност до информации и знаења во областа на родовите студии. AI платформата овозможува лесно пребарување и пристап до резултатите од истражувањата, објави, статии и други извори на информации во областа на родовите студии. 

Ова им помага на студентите, академската заедница и другите заинтересирани лица да пристапат до најновите и најсовремени информации и да ги користат како извор на знаење и информации за своите студии, истражувања и работа.

Улогата на AI технологијата на оваа платформа е разновидна и значајна. AI технологијата овозможува автоматизација и оптимизација на процесите на обработка и анализа на податоци од областа на родовите студии. Со помош на AI алгоритми и модели, платформата може да извлече и да анализира големи количини податоци, што овозможува брзо и ефикасно истражување и анализа на различни аспекти на родовите студии.

AI ботовите на платформата овозможуваат развој на иновативни и креативни методи и алатки за истражување и образование во областа на родовите студии. Со помош на AI алгоритми и модели, платформата може да генерира нови идеи, концепти и пристапи, што придонесува во напредокот и иновациите во областа на родовите студии. Со помош на AI алгоритми и модели, платформата може да адаптира и приспособи содржини и ресурси според потребите и интересите на корисниците. Ова овозможува посебна и индивидуална поддршка и интеграција на различни перспективи и искуства во образованието и истражувањето на родовите студии.

Активностите на Институтот на поврзување на вештачката интелигенција и родовата еднаквост продолжуваат и оваа 2024 година. Заради остварување и имплементација на Декларацијата и Акциониот план за родова еднаквост 2022-2025 на Универзитетот „Св. Кирил и Методиј“ Линк до Планот за родова еднаквост на УКИМ стр.49, Институтот за родови студии започна со реализација на проектот „Користење на вештачката интелигенција за унапредување на родовата еднаквост во академските истражувања“. Целта на проектот е да се испита потенцијалот и имплементацијата на ботовите за учење со ВИ (вештачка интелигенција) и да организира и спроведе онлајн обуки за родови прашања во истражувањето, преку креирање и одржување онлајн платформа поддржана од технологијата на вештачката интелигенција.

Како дел од активностите веќе е креирана онлајн платформа за родови прашања во научното истражување https://aigender.net/. Оваа платформа е поддржана од технологијата на вештачката интелигенција и овозможува пристап до информации, податоци, обуки и други ресурси поврзани со родовите прашања. На платформата ќе бидат организирани и спроведени онлајн обуки. Овие обуки треба да бидат насочени кон различни целни групи. Целта на обуките е да се подигне свеста и разбирањето за родовите прашања во научното истражување и да се промовира родовата еднаквост.

Линкови