Министерството за образование и наука објави повик за пријавување за исплата на парични награди за ученици (и нивните ментори) од основно образование кои освоиле прво место на државен ученички натпревар. Од Министерството информираат дека за освоено прво место на натпревар на државно ниво на ученикот и неговиот наставник им се доделува парична награда. Натпреварот треба да биде организиран од акредитирано здружение на наставници.

Барањата од ученикот, односно од неговиот наставник, за исплата на парична награда за освоено прво место на натпревар на државно ниво во учебна година се доставуваат до Министерството најдоцна до 31 декември во тековната година кога е организиран натпреварот.

Ученикот, заедно со наставникот, кој го подготвувал за натпреварот, треба да достави пријава со која во прилог ги доставува и следните документи:

Образецот за пријава може да се преземе тука

-потврда за ученикот дека е редовен ученик во основно училиште;

-потврда за наставникот дека е вработен во основно училиште;

-фотокопија од диплома за освоено прво место на државен натпревар организиран од акредитирано здружение на наставници за ученикот;

-фотокопија од диплома за освоено прво место на државен натпревар организиран од акредитирано здружение на наставници за наставникот;

-копија од трансакциска сметка за ученикот (трансакциската сметка да биде на име на ученик не на родител);

-копија од трансакциска сметка за наставникот;

-изјава за согласност за обработка на лични податоци потпишана со цело име и презиме од родител-старател, и

-изјава за согласност за обработка на лични податоци потпишана со цело име и презиме од наставникот.

Изјавите можете да ги преземете ТУКА.