За мистериозниот објект во форма на пура забележан низ нашиот Сончев Систем минатата година се претпоставува дека е вселенско летало на вонземјани, испратено да ја испита Земјата, велат астрономите од Универзитетот „Харвард“.


Од неговото откритие научниците не можат да се согласат и да дадат заедничко објаснување за необичните карактеристики и потеклото. Некои од нив сметаат дека станува збор за комета, други за астероид, за на крај да заклучат дека го сметаат за прв објект од ваков вид: нова класа на „меѓуѕвездени објекти“.

Нов труд од истражувачите од Центарот за астрофизика Харвард-Смитсонијан ја зголемува можноста дека станува збор за објект од вештачко потекло.

- Објектот би можел да биде оперативна сонда испратена во близина на Земјата за да ја анализира - пишуваат астрономите во трудот.

Теоријата е базирана на екстра забрзувањето или неочекувано зголемување на брзината, како што патувал низ и на крајот излегол од нашиот Сончев Систем во јануари.

- Со оглед на вештачкото потекло, една можност е дека „Оумуамуа“ летал лесно, лебдејќи во меѓуѕвездениот простор како остатоци од напредна технолошка опрема - напишале авторите, сугерирајќи дека објектот би можел да се движи од сончевото зрачење.

- Објектите со слично патување и слични димензии се дизајнирани и изработени од нашата сопствена цивилизација, вклучувајќи ги и ИКАРОС-проектот и Старшот-иницијативата. Технологијата на лесно патување би можела да се користи за транспорт или карго помеѓу планетите или ѕвездите.

Во трудот, научниците теоретизираат дека брзината на објектот и неговата невообичаена траекторија би можеле да бидат резултат на тоа што не функционира повеќе.

Сепак, некои научници не се убедени во трудот.

- Не сум убеден и искрено мислам дека трудот има доста недостатоци - вели Алан Џексон од Центарот за планетарни науки на Универзитетот во Торонто.

- Карл Сејган еднаш рекол:„Извонредните тврдења бараат извонредни докази, а на овој труд јасно му недостигаат докази“ - вели Џексон.

- Секој функционален вселенски брод речиси сигурно ќе ја повлече сондата од меѓуѕвездениот простор за да спречи штета - додава тој.