Околу една третина од германските вработени размислуваат да продолжат да работат откако ќе ги исполнат законските услови за пензионирање, покажува новото истражување.
Извештајот на Германскиот економски институт покажува дека вработените над 55 години имаат поголема веројатност да останат на работа по возраста за пензионирање отколку оние под 30 години.
Исто така, експертите на раководни позиции или со повисоки професионални квалификации се поотворени за продолжување на нивниот работен век од нискообразованите работници без менаџерски должности.
Истражувањето покажува дека вработените што се задоволни и ангажирани на своите работни места имаат поголема веројатност да размислат за одложување на пензионирањето.
Германската економија е во опасност да ги загуби квалификуваните работници до пензионирање, а нема доволно работна сила за да ги замени.
Коалициската влада на германскиот канцелар Олаф Шолц предложи да се понудат бонуси за работниците што го одложуваат своето пензионирање како дел од стимулативниот пакет кој допрва треба да биде одобрен ос германскиот парламент.