Научниците ги повикуваат сите што сакаат да учествуваат во истражување што ќе ги набљудува потенцијалните здравствени придобивки од топлите бањи за постарите лица.

Претстојното истражување на Универзитетот во Портсмут ќе ги истражува ефектите од капењето со топла вода како порелаксирачка алтернатива на традиционалната вежба. Освен тоа, истражувањето ќе истражува дали топлата бања може да ги подобри кардиоваскуларните, когнитивните и мускулните функции.

Со оглед на тоа што претходните истражувања во оваа област беа фокусирани на помлади луѓе, новото истражување ќе се фокусира на учесници на возраст од над 55 години.

Од овие волонтери ќе биде побарано да седат и да се релаксираат во топла бања на 40 Целзиусови степени 60 минути дневно, трипати неделно, во период од шест недели. Истражувачите ќе ги следат ефектите со помош на неинвазивни тестови и примероци од крв.

За да се квалификувате, морате да имате над 55 години, а да немате сериозни кардиоваскуларни, метаболички, респираторни или невролошки состојби. Исто така, кандидатите треба да бидат непушачи, да имаат индекс на телесна маса (БМИ) помеѓу 18 и 35 kg/m².

- Познато е дека честото вежбање значително го подобрува здравјето, но на голем број луѓе им е тешко да ги следат рутините за вежбање. Доказите покажуваат дека пасивното загревање, како што е потопување во топла вода и сауни, може да понуди слични придобивки благодарение на брзиот пораст на температурата на телото. Целта на ова истражување е да утврди дали може да се постигнат слични здравствени придобивки кај лицата над 55 години - вели Даниел Пиколо од Факултетот за психологија.

Ако мислите дека ги исполнувате условите, дополнителни информации можете да најдете ТУКА.

Извор: Independent.co.uk
Фото: Freepik