Јапонија е земја на изненадувањата и не престанува да ги воодушевува странците. Дури и учебната година во оваа земја почнува во различен период отколку во другите земји (во април), а завршува во март.

Но, тоа не е единствениот интересен аспект на јапонскиот образовен систем. Еве уште неколку.

- Децата од прво до шесто одделение се во основно училиште во Јапонија. Часовите се менуваат секоја година и наставниците ги менуваат местата за учениците да имаат шанса да запознаат нови луѓе.

- Шест години учениците носат слични училишни ранци наречени „рандосеру“. Во најконзервативните училишта, девојчињата носат црвени ранци, додека момчињата црни. Но, ова правило за боја не е секаде исто. Локалните жители велат дека многу првачиња носат жолти капи за луѓето подобро да ги забележат оддалеку.

- Во некои училишта, учениците се одговорни за чистењето во училиштето. По завршувањето на часовите секое одделение си ја чисти училницата, а дежурните ученици ги чистат тоалетите и игралиштата. Кога влегуваат во училиштето, учениците ги оставаат чевлите во шкафчиња и облекуваат таканаречени „увабаки“, специјални бели влечки што ги носат без оглед на тоа кое одделение се.


- По шесто одделение, учениците продолжуваат во средно, кое трае три години. Во оваа фаза  јапонските ученици почнуваат да носат униформа, која е задолжителна. Некои ученички не смеат да носат хулахопки, дури и во зима, бидејќи некои училишта бараат ученичките да носат здолништа само со чорапи до колена. Една ученичка се пожалила на ова нефер правило до управата на училиштето, а како одговор добила дека го почитуваат нејзиното мислење, но наскоро ќе заврши, па треба да издржи уште малку.

- Јапонските училишта имаат строги барања во однос на изгледот на учениците. Многу училишта им забрануваат на девојчињата да се шминкаат. Некои училишта имаат и шишиња со мицеларна вода во секоја училница, па ако наставниците видат нашминкана ученичка, таа ќе може да ја избрише шминката. Речиси половина од училиштата бараат девојчињата да имаат црна права коса. Ако косата не ги исполнува овие стандарди, тогаш ќе мора да докаже дека не ја исфарбала или извиткала. Таа ќе мора да донесе вистински сертификат за коса потпишан од нејзините родители, како и фотографии од детството.

- Еден типичен ден на средношколец вклучува задолжителни и изборни предмети. Задолжителниот дел вклучува едногодишен курс по домашна економија, што ги подготвува учениците за семеен живот. Учениците учат да готват, да раководат со буџетот и се разговара за важноста на семејството. Изборните предмети понекогаш вклучуваат риболов и земјоделство. Покрај потребните часови, речиси половина од средношколците полагаат подготвителни курсеви за уписните испити.

- Речиси секое училиште одржува утрински целошколски состанок секој месец на кој зборува директорот.

- Некои јапонски наставници не го оценуваат само знаењето за предметот што го предаваат, туку и следат колку добро и правилно учениците фаќаат белешки.

Извор: Bright Side
Фото: Facebook