Дали знаете дека постои период во историјата кој, всушност, никогаш не постоел или, ако ви звучи полесно, никогаш не се случил?

Меѓу 5 и 14 октомври 1582 година нема ниту еден забележан настан, војна, мировен договор, раѓање или смрт на познати личности. Причината? Тие денови никогаш не се случиле!

Како папата Григориј XIII „избришал“ 10 дена од историјата

Овој интересен историски феномен е поврзан со реформата на календарот што ја спровел папата Григориј XIII. На 4 октомври 1582 година тој издал декрет со кој се вовел нов календар, денес познат како грегоријански календар, кој го заменил постариот јулијански календар, воведен од Јулиј Цезар во 46 година пред нашата ера.

Со текот на времето се наталожила разлика од 10 дена меѓу двата календари. За да се исправи грешката, папата Григориј наредил овие денови едноставно да се прескокнат. Така, по 4 октомври 1582 година веднаш следувал 15 октомври 1582 година. Тие „изгубени денови“ засекогаш останале мистерија во историјата.

Разликата меѓу календарите и денес продолжува да расте

Времето и календарите се променливи категории. Разликата меѓу јулијанскиот и грегоријанскиот календар и понатаму се зголемува. Од времето на папата Григориј до денес, таа разлика пораснала за уште три дена, па така јулијанскиот календар денес „заостанува“ за 13 дена зад грегоријанскиот.

Се очекува разликата и понатаму да се зголемува, па во 2100 година ќе биде 14 дена, во 2200 година ќе биде 15 дена, а во 2300 година дури 16 дена.

Извор: 24sedam.rs 
Фото: Freepik