Мајката на поранешната прва дама на САД, Мишел Обама, ѝ дала клучна перспектива во важна пресвртница во нејзината кариера.

Во интервју на Опра Винфри со Мишел, тие дискутираат за патот на поранешната прва дама од нејзиното растење во семејство од работничката класа до станувањето адвокат. Мишел не уживала додека била во правничка компанија. Винфри цитира дел од мемоарот на Обама во кој вели дека мразела да биде правник.

- Јас не скршнував. Не бев некој што презема ризици. Се ограничував на тоа да бидам она што мислев дека треба да бидам - вели Мишел.

Обама вели дека го помни моментот кога ѝ кажала на мајка си дека не си ја сака работата.

- Го споделив тоа со неа во автомобилот: „Едноставно не сум среќна, не чувствувам страст“. И мојата мајка рече: „Заработи, подоцна грижи се за тоа да бидеш среќна“. И јас одговорив „во ред“. Бидејќи колку толерантно било за мојата мајка - објаснува Обама.

Мишел продолжува со раскажувањето.

- Кога таа го кажа тоа, си помислив: Уау, од каде дојдов со сиот мој луксуз и да си ја барам страста? Луксузот да можам да одлучувам кога таа не можела да се врати на работа и да почне да се пронаоѓа додека не нè прати во средно училиште. Па, да. Беше тешко. И тогаш го сретнав овој тип Барак Обама - вели Мишел.