Студентската културна иницијатива „Отворен Куфер“ ги повикува сите заинтересирани студентски движења/организации, како и сите студенти без разлика од кој факултет доаѓаат, да се вклучат во одбележувањето на 17ти ноември – меѓународниот ден на студентите!
Учесниците можат да се вклучат со организација на:
- работилници
- изложби
- музички настан
- перформанс
- поетско читање
- дискусија
- било каква друга замисла
Нашата крајна цел е преку овој културен настан да ја пренесеме пораката за потребата за независен студентски простор во вид на културен центар кој ќе биде гнездо за размена на идеи, искуства и интеракција меѓу младите, како и да укаже на недостатокот од студентски културен живот.
Повикот е отворен до понеделник, 9ти ноември.
За дополнителни информации контактирајте не на: otvorenkufer@gmail.com или најдете не на Facebook како Отворен Куфер.
Добредојдени се сите идеи: донесете го својот куфер со идеи и одиме на заедничко патување!