Само за учесниците на двата модула, еден од најдобрите тренери во светот, Равид Куперберг од Агенцијата Mindscapes од Израел, ќе одржи четиричасовна работилница на тема "Откривање на кодексите на креативноста и иновативноста" или "Како да се дешифрира креативното и иновативното". На работилницата учениците ќе научат да ги дешифрираат кодовите зад најкреативните и најуспешните кампањи и како да го применат ова знаење во нивното работење и на нивните брендови.

Во ерата на поврзаност, Фестивалскиот ден на Академијата, кој ќе се одржи на 30 мај, резервиран е за низа предавања на светски и регионални експерти од индустријата на адвертајзингот и од други тесно поврзани дејности.
Покрај Равид Куперберг кој ќе го одржи предавањето „The Story of StoryTeching„ или „Како иновативната технологија се пренесува во ефективно раскажување„ публиката на Фестивалскиот ден ќе има можност да слушне и директно од прославениот уметник Драган Бјелогрлиќ на тема каде се наоѓаме на мапата на светската продукција и иновациите на полето на филмската уметност. Срѓан Ѓурѓевиќ, директор на R&D тимот на United Група ќе објасни како модерната технологија – машинско учење и вештачка интелегенција – се користи во обработка на ТВ содржината, а Владимир Вујиќ, коосновач Digitalizuj.me и Spark.me ќе зборува за новите модели на менаџментот и дигитално трансформираните компании.