Над милион морски птици пцовисаа нво Тихиот Океан за помалку од 12 месеци, а експертите наведуваат дека за тоа е виновна топлата вода од океанот.

Во период од летото 2015 година до пролетта 2016 година умреле од глад околу милион тенкоклунести норки, а нивните безживотни тела морето ги исфрли на западниот брег на Северна Америка, од Калифорнија до Алјаска.

Научниците велат дека причината за смртта на птиците е огромната струја на топлата океанска вода што се појавила на североисточниот дел на Тихиот Океан, што се нарекува дамка.

Многугодишниот интензивен бран на морска топлина започна во 2013 година, а се засили летото 2015 година поради моќниот временски феномен наречен Ел Нињо, кој траеше до 2016 година.

Топлотниот бран создаде дамка, односно океанско подрачје големо 1.600 километри, кое било потопло за 3 до 6 Целзиусови степени. Гребенот под висок притисок ги смири океанските води, што значи дека водата останала топла – без бурите кои би ѝ помогнале да се олади.

Тие неколку степени повеќе предизвикале пустош во морскиот екосистем, што довело до намалување на микроскопските алги со кои се хранат многу животни, од шкампи до китови. Од друга страна, почна и масовно цветање на штетни алги кои предизвикуваат смрт на многу морски организми.

И на источниот брег на Нов Зеланд се појавила дамка толку голема што може да се забележи од вселената. Зафаќа еден милион квадратни километри, што е област поголема од Тексас.