Вашето работно биро е дел од просторот каде што ги извршувате сите задачи поврзани со работата. Бирото и работниот простор треба да ги организирате на начин кој ќе ја зголемува продуктивноста, а не само да ги наполните со работи што ви го одвлекуваат вниманието.

Неорганизираноста може да резултира со загубени електронски пораки и заборавени рокови. Затоа треба да имате организирано биро. Без разлика дали работите од дома или во канцеларија, ова се шест работи што секогаш треба да ги имате за да бидете организирани и да ја зголемите продуктивноста.


Седењето на неудобен стол цел ден може да резултира со болки во грбот и да ви го одвлече вниманието, па да изгубите концентрација. Добар стол треба да овозможи лумбална и карлична поддршка за отстранување на стресот од мускулите на вашиот грб. Со оглед на тоа што лошата положба може да доведе до главоболки или замор, добриот стол е вредна инвестиција.


Иако светот е дигитализиран и има и онлајн-планери, може да биде од помош ако роковите, состаноците, повиците и другите потсетници ви се напишани и на хартија. Напишаната листа со работи што треба да ги направите ставена на вашето биро може да ви помогне да бидете точни, да ве потсети на тоа што следува и да ви помогне да ја елиминирате можноста за грешки.


Иако повеќето работи во денешно време се вршат онлајн, сепак, некогаш ќе ви притреба печатач. Ако не користите хартија, тоа е корисно за животната средина, но ако треба да испечатите формулар и да му го испратите на некој работодавец или, пак, ако сакате да вршите поправки со пенкало, безжичниот печатач би ви бил од голема помош. Исто така, безжичниот печатач значи еден кабел помалку.


Некогаш ќе се случи да имате важни документи кои ќе треба да ги зачувате за иднина. За да не ги загубите, набавете си картотека или папки за сите важни документи да ви бидат организирани. Во една папка во фиоките од бирото можете да ги чувате сите документи и секогаш да знаете каде е тоа што ви треба.


Ако зависите од вашиот компјутер за поголемиот дел од работата, тогаш е многу важно да чувате резерва од важните фајлови и документи, во случај вашиот хардвер да крахира. Надворешните хард дискови се релативно евтини. Можете да користите и таканаречен облак за складирање како „Гугл Драјв“, „ДропБокс“ или други, но препорачлив е физички надворешен диск во случај некогаш да загубите пристап до вашите интернет-профили или, пак, ако ви треба пристап до нешто кога нема интернет.


Дури и ако работите во канцеларија каде што користењето на телефонот во текот на работното време не е дозволено, вистината е дека се случуваат секакви работи и може да има итен случај кога во моментот треба да исконтактирате некого.