Од Министерството за здравство соопштија дека во текот на изминатото деноноќие се регистрирани 29 нови случаи на заразени со коронавирус во Македонија. Вкупниот број на заболени сега изнесува 114.

- На Клиниката за инфективни болести и фебрилни состојби во моментов се хоспитализирани 24 пациенти. Седум пациенти се континуирано на третман со кислород, 11 се веќе во стабилна, добра здравствена состојба. Утре, по истекот на 14 дена од поставување дијагноза, кај 6 пациенти ќе се зема контролен брис. Од нив 5 се во добра состојба, а кај пациентката кај која имаше влошување нема промена на состојбата и таа сè уште е на респираторна машина - истакнаа од Министерството.

Оттаму додаваат дека пациентите што се на домашно лекување се во постојан контакт со лекарите.

Во изминатото дено-ноќие се регистрирани 29 нови случаи на коронавирус во земјата. Со ова бројката на дијагностицирани пациенти со КОВИД-19 денеска до 12.00 часот, изнесува 114. pic.twitter.com/OiMkxlgPNp

— Министерство за здравство (@ZdravstvoMK) March 22, 2020