Лансирањето се совпадна со тестирањето на нова технологија за набљудување на вселената на „Локхид Мартин“ наречена вселенска ограда, која може да детектира и да следи нерегистрирани објекти кои орбитираат околу Земјата. Тоа беше среќна околност која би можела да ублажи нанесување штета на луѓе и на опрема во вселената.

Експлозијата на сателитот го претвори во облак од вселенски отпад, кој во иднина може да се судри со други сателити, научни инструменти или астронаути.

- Бевме горе за време на тест на издржливост и бевме многу возбудени кога видовме дека системот функционира - истакна Метју Хаџис, менаџер за бизнис-развој на компанијата.

Иако вселенската ограда не е вистинска блокада во вселената, таа може барем да им помогне на службениците да се подготват и да направат план околу некој судир.