Исцртани кругови на некои патишта ги збунуваат возачите. Овој знак на патот доаѓа од Австрија, а се употребува од 2019 година и дава добри резултати.

Имено, Австрискиот управител на патишта КФВ открива дека на патиштата каде што почнал да се применува овој знак сообраќајните несреќи со мотори се намалени за 80 проценти.

Круговите исцртани со рефлектирачка, противлизгачка бела боја се наменети да ги предупредат мотоциклистите дека има тесен радиус на вртење во означените свиоци, односно дека кривината нагло се затвора. Низата од овие кругови се наоѓа покрај полната линија. Тие се наоѓаат на места каде што се случиле голем број несреќи и им помагаат на мотоциклистите при „сечење“ на кривините - да избегнуваат преминување на спротивната лента на опасни места. Круговите дополнително предупредуваат дека се приближуваат кон средината на патот.

Добрите резултати од оваа мерка довеле до тоа многу други земји, како што се Шкотска, Швајцарија, Германија, Луксембург, Италија, Шпанија или Австралија, да размислат за овој тип сигнализација.

Извор: net.hr

Фото: Reddit