Вива Вишна Премиум нектар, направен од внимателно одбрани македонски вишни, е новиот производ во премиум линијата, на нашиот најголем производител на природни овошни сокови, нектари и пијалаци. Новиот премиум вкус е направен од каша од вишни, добиена со најсовремена технологија со која располага „Вивакс“, која освен што на сокот му дава карактеристична кашеста структура, овозможува и задржување на сите хранливи состојки на вишната.

- Инспирирани од желбите и потребите на потрошувачите, нашата развојна стратегија се базира на постојана инвентивност и креација на нови производи, единствени по вкус и квалитет. Инвестицијата во најсовремена технологија за преработка на овошје, придонесува за високиот квалитет и автентичниот вкус на нашите производи. Резултат на ваквата стратегија и примената на најсовремена технологија е новиот Вива Вишна Премиум нектар, направен од домашно македонско овошје, во кој го преточивме нашето знаење, инвентивност и традицијата. Создадовме вкус на сок каков што го помниме од нашето детство. Новиот Премиум вишна нектар е со карактеристична густина, без адитиви и конзерванси, ги содржи сите хранливи состојки на вишната и претставува вистински спој на иновацијата и традицијата - вели Тања Атанасова, еден од управителите на компанијата „Вивакс“.