Најновите дипломци на академијата на Кралската канадска морнарица сакале да го одбележат крајот на својата едногодишна обука на посебен начин. Така се родила идејата за правење фотографија под вода.

Официјалната фотографка на морнарицата, Валери Леклер, се согласила да ја фотографира групата во водата. Инструкторите и курсистите скокнале во базен и се наместиле во два реда. Леклер открила дека на сите им било тешко да седат во столовите, па во џебовите носеле тегови за да не испливаат на површината.



Освен тоа, имало кислород само за предниот ред, а оние одзади требало да го задржат воздухот додека позирале. Биле потребни повеќе обиди да се направи финалната фотографија, а Леклер поминала и многу време во отстранување на меурите што биле на фотографијата.

Дипломците ја добиле фотографијата која најдобро ги покажува нивните вештини.


Извор: My modern met
Насловна фотографија: Facebook