Малдивите се соочуваат со големи финансиски предизвици. Од куќата за кредитен рејтинг „Финч“ предупредуваат дека постои можност да не го вратат надворешниот долг. Затоа, тие веќе го намалија долгорочниот долг на Малдивите за едно ниво, дополнително туркајќи го во високоризична инвестициска област.

Оцената за долгорочен долг на Малдивите веќе значително спаѓа во категоријата на поризични долгови.

Рејтинг-агенцијата објаснува дека ризиците со кои се соочуваат Малдивите произлегуваат од намалувањето на нејзините девизни резерви. Овие резерви во мај паднаа на само 492 милиони американски долари, додека за сервисирање на долгот годинава ќе бидат потребни 409 милиони долари.

Ова ќе ги стави Малдивите под прилично голем притисок.

Финансиска поддршка од Кина

Од минатата година на чело на Малдивите е Мохамед Муицу, кој ја пренасочи земјата подалеку од традиционалниот сојузник Индија, кон Кина. Во април неговата партија убедливо победи на парламентарните избори откако вети дека ќе изгради илјадници станови со кинески средства, ќе добие повеќе земјиште за урбан развој и ќе ги реновира аеродромите.

Официјалните податоци покажуваат дека надворешниот долг на Малдивите минатата година изнесувал 4,04 милијарди долари, што претставува 118 отсто од нивниот бруто-домашен производ. За една година порасна за 250 милиони долари.

Заклучно со јуни минатата година, 25,2 отсто од надворешниот долг на Малдивите е во рацете на Експорт-импорт банка на Кина. Оваа банка е најголемиот индивидуален доверител на островската држава.

Извор: Forbes.n1info.hr
Фото: Freepik