Кога ќе се спомене за „непоправлив“ автомобил на кој било начин, многумина веднаш помислуваат на „едсел“, „азтек“, „пејсер“, „родиус“ и други. Еден стои над сите (или можеби под сите), а тоа е „југото“. Во средината на 80-тите години „Фиат“ само што се повлече од американскиот пазар, оставајќи празно место за некоја евтина марка на автомобили. Освен тоа, „југото“ користеше многу делови од италијанскиот производител.
„Мона Лиза меѓу лошите автомобили“ - често знаеше да каже познатиот Џеј Лено, кој редовно се шегуваше на сметка на „југото“ во неговото вечерно шоу.
Инаку, приказната за југословенската „зделка на векот“ ја започна локалниот претприемач Малколм Бриклин, кој, според него, по првичниот колапс со „субару“ и прекинот на соработката со „Бертоне“, бил во потрага по најевтиниот автомобил во светот.
Токму таквиот автомобил бил пронајден во Југославија. Бриклин отишол таму и нашол фабрика со 50.000 луѓе во која реално требало да има само 2.000, поделени помеѓу 85 работнички организации, 25 работнички одбори и 127 комунистички синдикати. Неговата цена од 3.990 тогашни долари (9.500 денешни евра) ги освои насловите кога автомобилот беше претставен во 1985 година.
Во конкуренцијата најевтини автомобили беа и „шеви шевет“, чија цена беше 5.645 долари, „форд ескорт Л“ за 6.327 долари и „голф“ за 7.190 долари. Иако до почетокот на 90-тите беа увезени 141.651 автомобил во Америка, во 1992 година „југото“ подлегна на безмилосните критики од рецензенти, комичари, падови на продажбата, отповикувајќи на 125.000 возила поради стандарди за издувни гасови, па банкротот беше неизбежен.
Извор:
6yka.com
Фото:
Instagram