Руската телевизија „Звезда“ првпат прикажа како изгледа нуклеарен куфер однатре. Се работи за уред со кој се активира нуклеарно оружје.
- Внимавајте на ова копче за „старт“ – тоа е во бела боја (а не црвена како што вообичаено се мисли). Овој куфер се наоѓал кај офицерот кој секогаш бил во близина на врховниот командант - раскажува водителот на програмата, Алексеј Јегоров.
Една од компонентите на куферот е и флеш-картичка. – Таа е индивидуална. Тоа е еден од клучевите што се вметнуваат. Други подробности околу овој куфер, сепак, нема да разгледуваме, додава Јегоров.
Тој забележа и дека куферот е стар 50 години, но јавноста дури сега гледа што има внатре.
Извор: МИА