Исхраната врз основа на крвната група открива што треба да јадете, а што да избегнувате, според препораките на болницата „Вичестер“. Ако, на пример, имате крвна група А, треба да јадете повеќе вегетаријанска храна, а ако имате крвна група 0, треба да јадете најмногу месо и да избегнувате житарки. Ако имате крвна група Б, тогаш можете да јадете разновидна храна, како што се млечни производи кои не се препорачуваат за луѓе со крвна група А и 0.

Исхраната во согласност со крвната група, исто така, може да ви помогне да изгубите тежина. Храната помалку ќе се акумулира во телото во форма на маснотии, а личноста тогаш има помалку здравствени проблеми доколку го следи овој план.

Постои претпоставка дека крвната група е еволутивен маркер кој покажува која храна е најдобра за вашето тело и која може да му наштети.

Исто така, се препорачува луѓето да јадат повеќе свежа, природна храна и да избегнуваат преработена храна. Не треба да јадете чоколадо, да пиете кафе и алкохол.

Крвна група А

Луѓето со крвна група А треба да јадат зеленчук, овошје, цели зрна, грав, мешунки, јаткасти плодови и семки. Кога станува збор за храна која треба да ја избегнуваат луѓето со оваа крвна група, тоа се млечни производи, месо, риба, живина, јајца и преработена храна.


Крвна група Б

Луѓето со крвна група Б треба да јадат зеленчук, овошје, житарки, грав, мешунки, месо, живина, риба, јајца и млечни производи.

Луѓето со оваа крвна група треба да избегнуваат јаткасти плодови, семки и преработена храна.

Кога станува збор за вежбање, луѓето со крвна група Б треба да се занимаваат со активности со умерен интензитет како што се пешачење, планинарење и тенис.

Крвна група АБ

Луѓето со крвна група АБ можат да јадат храна слична на онаа што ја јадат луѓето со крвна група А и Б, но докторот вели дека веганската исхрана е најдобра за нив. Тие треба да избегнуваат преработена храна.

За лицата со крвна група АБ се препорачуваат вежби за смирување и вежби со умерен интензитет.

Крвна група 0

Исхраната на луѓето со крвна група 0 треба да содржи месо, живина, риба и маслиново масло, но постојат одредени ограничувања за консумирање одредени зеленчуци, јаткасти плодови и јајца.

Луѓето со крвна група 0 треба да избегнуваат млечни производи, житарки, леб, тестенини, ориз, грав и преработена храна.

На луѓето со оваа крвна група им се препорачуваат енергични вежби како трчање.

Треба да се нагласи дека досегашните истражувања не покажале дека ваквиот начин на исхрана промовира слабеење, но со оглед на тоа дека станува збор за строги упатства, се наведува дека на оние што се придржуваат до овој план би можеле да им недостигаат некои хранливи материи. Од друга страна, се препорачува да се земаат одредени суплементи за да може човекот да ги задоволи сите нутритивни потреби.

Извор: b92.net
Фото: Freepik