Кето-диетата е со малку јаглехидрати и висок процент на маснотии, а го поттикнува телото да влезе во состојба на кетоза.

Оваа диета вклучува храна како месо, риба, јајца, јаткасти плодови, семиња и зеленчук без скроб, додека се избегнува храна богата со јаглехидрати како житарки, шеќер, овошје и одредени зеленчуци.

Со драстично намалување на внесот на јаглехидрати и зголемување на потрошувачката на масти, телото е принудено да ги користи мастите како главен извор на енергија наместо јаглехидратите. Ова може да доведе до губење на тежината, зголемено ниво на енергија и подобрување на менталниот фокус. Сепак, долгорочните несакани ефекти на кето-диетата вклучуваат ризик од срцеви заболувања и недостиг на хранливи материи.

Времетраењето на оваа диета може да варира во зависност од индивидуалните цели и здравјето. Ннутриционистот Кејал Шах открива колку долго треба да се применува пред да стане штетна.

- Не ја препорачувам кето-диетата повеќе од шест месеци. Иако помага при слабеењето, проучени се само краткорочни резултати - вели таа.

Нема доволно податоци и истражувања за долгорочните несакани ефекти од кето-диетата, па затоа се советува консултација со здравствен работник.

- Оваа диета може да стане нездрава ако не се практикува правилно. Исто така, може да доведе до недостиг на хранливи материи или други здравствени проблеми. Важно е да се даде приоритет на балансиранот внес на основните хранливи материи и да се слушаат сигналите на вашето тело за какви било знаци на непријатност или негативни ефекти - вели Шах.

Покрај тоа, може да доведе до проблеми со варењето, запек и опасно ниско ниво на шеќер во крвта.

1. Дајте ѝ приоритет на храната богата со хранливи материи

Важно е да се консумира храна богата со хранливи материи и да не се потпира на преработена храна богата со масти. Треба да вклучиме разновиден зеленчук без скроб во нашата исхрана за да обезбедиме соодветен внес на влакна, витамини и минерали.

2. Останете хидрирани

Покрај пиењето доволно вода, важно е да се води сметка и за соодветениот внес на електролити, бидејќи намалувањето на јаглехидратите може да влијае врз балансот на течности и електролити.

3. Редовно следете ги нивоата на липидите

Многу е важно редовно да се следи нивото на липиди во крвта и да се консултира со здравствен работник.

4. Следете го соодветното темпо

Клучот е да го слушате вашето тело и да ја приспособите вашата исхрана бидејќи индивидуалните потреби може да варираат.

Извор: Index.hr
Фото: Pexels