Деновиве секојдневно слушаме за Украина поради страшната војна што се случува во таа земја, мислите на целиот свет се со нејзините жители, а пораките за поддршка наизменично се менуваат со конкретни акции за помош..

Украина е горда на својата богата култура, прекрасните православни цркви, плажите на Црното Море, планините и шумите... Секој агол на Украина е уникатен. Ви пренесуваме неколку атракции и знаменитости:


Едно од најфотографираните места во Украина се наоѓа недалеку од Клеван. Станува збор за стари железнички пруги кои го опфаќаат и штитат зелениот дрворед од сите страни, создавајќи магично шеталиште долго малку повеќе од три километри. Патот датира од советско време кога, според некои приказни, дрвјата биле намерно пуштени да пораснат за да го покријат транспортот на воена опрема. Локацијата особено ја сакаат заљубените парови, а легендата вели дека ако прошетаат низ тунелот и заедно замислат желба, таа ќе се оствари доколку нивната љубов е вистинска.


Остатоците од некогашната тврдина Тараканив се наоѓаат на околу два часа возење од Лавов, во близина на селото Дубно, а со својот мистичен изглед и тајни што ги кријат, отсекогаш ги интригирале авантуристите. Тврдината била изградена за да ја заштити пругата што ги поврзувала Лавов и Киев во втората половина на 19 век, а денес е главно покриена со дрвја. Во неа се влегува преку тунел, има многу ходници и тајни премини за истражување, од кои некои се толку тесни што не им се препорачуваат на клаустрофобични луѓе.


Местото на страшната експлозија на нуклеарната централа што се случи во Северна Украина во 1986 година е отворено за посетители од 2002 година, но само во придружба на овластени туристички агенции. За несреќата беа снимени документарни филмови, филмови и неодамна успешната ТВ-серија на Ејч-би-о, по што интересот за местото дополнително порасна. За време на посетата можете да видите напуштени згради, панорамско тркало кое никогаш не почнало да се врти, да дознаете детали за несреќата и тажната судбина на луѓето кои или загинале или морале засекогаш да го напуштат својот град.


Поранешната палата на поранешниот украински претседател Виктор Јанукович се наоѓа на брегот на реката Днепар во Киев. Денес, екстравагантната и луксузна зграда е симбол на алчноста и корупцијата што го одбележаа владеењето на Јанукович. Во рамките на имотот има тениски терени, рампа за слетување на хеликоптер, терени за голф, стрелиште, ловиште... Можете да го посетите музејот со егзотичните и скапи автомобили на Јанукович и да видите други примери на екстраваганција, како претседателската фарма и загреано езеро.


Замокот од бајките во Камјањец-Подилски од 11 век е атракција што не смее да се пропушти. Со своите шилести кули и црвеникавиот камен, изгледа мистично и ве кани да истражувате, а најубаво е навечер кога е осветлен од светла во бои. Иако е стар неколку века, добро е одржуван, има кафуле и тоалети, а најдобро е да го посетите во придружба на водич кој ќе ви ги открие сите тајни од неговото бурно минато.


Украина е земја со прекрасна природа и дефинитивно вреди да се запознаете барем со дел од неа. Националниот парк Шацки езера е дом на прекрасни шуми, магични плажи и живописни езера. Езерото Свитијас, кое се наоѓа во паркот, е најдлабокото во Украина, а го нарекуваат и „Сини очи“ поради кристално чистата вода. Националниот парк Бузки Гард е место со прекрасни кањони и островчиња на бреговите на реката Бузк, што е исто така многу популарно за рафтинг.

Моќна архитектура и вибрантен европски дух




Извор: Putnikofer.hr
Фото: Freepik