Постојаното негативно размислување може да го зголеми ризикот за Алцхајмерова болест и деменција, покажува истражување водено од универзитетскиот колеџ „Лондон“.

Во анализата учествувале луѓе на возраст над 55 години. Истражувачите откриле дека постојаното негативно размислување се поврзува со последователни состојби кои може да доведат до Алцхајмерова болест.


Негативното размислување отсега треба да се истражува како потенцијален фактор за појавата на деменција, додека психолошките методи како медитацијата треба да се истражуваат како потенцијални начини за намалување на ризикот од добивање на овие болести.

Како што открива Натали Марчант, еден од авторите на истражувањето, депресијата во зрелите години веќе се сметала како фактор за појава на деменција, но сега е откриено дека можеби има скриена причина зошто луѓето со депресија и слични здравствени состојби почесто имаат деменција.


- Се надеваме дека нашите откритија може да се искористат за развивање стратегии за намалување на ризикот од деменција кај луѓето со тоа што ќе им се помогне да го намалат негативното размислување - вели Марчант.

Во истражувањето учествувале 292 луѓе, а траело две години.

Извор: eurekalert.org