Многу вљубеници во Јапонија се израдуваа пред неколку недели кога излезе веста дека владата ќе покрива дел од трошоците за патување на туристите. Но, оваа вест беше лажна, односно подоцна се откри дека „Џапен тајмс“ погрешно го цитирал министерот кој зборувал за планот за заживување на туризмот.

Сега на ред е Тајланд. Тајландската туристичка агенција претставила план за враќање на туристите на Тајланд. Во рамките на планот за безбедно враќање на странските гости има еден дел кој е особено интересен, а тоа е дека Јутхасак Супасорн, главниот човек на организацијата „Тај туризм“, вели дека мора да се охрабрат меѓународните туристи да патуваат на Тајланд така што ќе им покријат дел од трошоците за хотели и за организаторите на тури.


Финансиската помош би им помогнала на хотелите и на агенциите да ги намалат трошоците за превоз и сместување за странските туристи, па така да овозможат долготрајно заздравување на туризмот, според Супасорн.

Странските туристи отсекогаш имале голема улога во туристичката индустрија на Тајланд. Според моменталните планови, Тајланд ќе почне да прима туристи во јули, а очекува повеќе посетители од септември.


Планот за заживување на туризмот вклучува и мерки за хигиена и безбедност во хотелите и на туристичките атракции, а се планира и да се дозволи само ограничен број туристи. Во првиот фокус се отворањата на островите, а владата планира и да користи инфлуенсери за да привлече повеќе туристи.

Извор: godsavethepoints.com