Сите очи се свртени кон историскиот самит во Сингапур, така што се обрнува внимание на секој детал.
Така, на „Твитер“ почна да се шири и да се коментира сликата со договорот и потписите на двајцата лидери. Од левата страна се наоѓа потписот на Трамп, чии букви се големи, смели, мазни и црни. Од десната страна стои потписот на Ким Јонг-ун, чии букви се ретки, расеани и со многу простор меѓу нив.
Фото: Twitter
Како што експертите за тело го толкуваат секој потег на двајцата лидери, ракувањата и погледите, корисниците на „Твитер“ се претворија во експерти за ракопис и почнаа да ги толкуваат нивните букви.
- Изгледа како да лансира мали ракети - пишува еден корисник за потписот на Ким, додека други го споредија со проектили што паѓале.
Други пишуваат дека потписот на Ким изгледа како ракета, а потписот на Трамп како митинг на клан.
Некои од нив ги анализираа и психолошки.
- Потписите што е тешко да се дешифрираат укажуваат на тоа дека лицето е приватно и тешко може да се сфати. Потписот на Трамп е одличен пример - пишува еден твитер-корисник.
- Ракописот на
Ким Јонг-ун е навален, со насока нагоре, за која експертите велат дека укажува на извонредна самоцентрична личност.