Ноа е шестгодишно дете кое страда од нарушување без име. Годинава, неговите лекари ќе започнат да ги испраќаат неговите генетски информации низ интернетот за да видат дали некој на светот е како него. Наоѓањето ист случај како Ноа ќе направи разлика.

Ноа се развива поспоро од останатите на негова возраст, користи помош при одењето и зборува само неколку зборови. Тој станува се' поболен. Снимките покажуваат дека неговиот мозок се намалува. Неговата ДНК била анализирана во детската болница во источно Онтарио и таа содржи грешки. Доколку не се најде друго дете со истите симптоми или слична грешка на ДНК неговите лекари не можат да откријат која грешка во гените на Ноа е најважната.

Изминатиот месец, програмерите во Торонто започнале да тестираат систем за размена на генетски информации со други болници. Овие болници се грижат за децат со нарушувања предизвикани од ретки мутации во поединечен ген. Системот наречен „Match maker exchange“ претставува нешто ново: начин на автоматска споредба на ДНК од болна личност од секоја страна на светот. Сето тоа е овозможено преку интернетот.

Следната ера во медицината зависи од споредбите на геномите, за што научниците сметаат дека не сме подготвени. Геномите најчесто се чуваат во тврди дискови и се праќаат по пошта. Голем дел од нив ги немаме на интернет. Проблемот се наоѓа во научниците, кои не сакаат да ги споделуваат геномите на луѓето.

Новиот проект за споделување на геномите на интернет ќе се обиде да го реши проблемот. За 1-2 години може да очекуваме да имаме цел дел од интернетот полн со геноми.