Комапниите создаваат милиони кршејќи ги срцата на тајландските гледачи кои ги гледаат рекламите прикажани помеѓу нивните омилени емисии.

 

Југоисточна Азија не само што создава тажни и вознемирувачки реклами, туку тие се и доста долги, нешто што е необично за стратешките реклами во другите делови од светот. Таму, рекламите се своевиден жанр, а некои од нив се долги дури 15 минути.

На социјалните медиуми, корисниците ги споделуваат рекламите за бездомниците, сиромаштијата и смртта. Тие се тажни, но и ја креваат свеста на луѓето и ги инспирираат. Луѓето постојано ги споделуваат, што значи дека повеќе луѓе ги гледаат со што нивниот производ повеќе се продава.

 

Особено една компанија „Thai life Insurance“, ја совлада уметноста на таканареченото „sadvertising“.

Рекламата наречене „Unsung Hero“, објавена во април минатата година, има над 26 милиони прегледи на YouTube.

Рекламата ја раскажува приказната за великодушноста на еден човек. Тој ги храни кучињата скитници и им дава пари на мајка и ќерка кои се бездомници. Не добива ништо за возврат, но подоцна во текот на рекламата, наградата се покажува.

 

 

Реклaмата е деветтото најсподелувано видео во светот за јануари. После него е „Silence of love“, реклама која ја раскажува посветеноста на еден татко кон својата ќерка.

 

Компанијата за безбедносни камери „Vizer“ направи една од подобрите реклами оваа година која беше прегледана повеќе од 7 милиони пати на Youtube. Рекламата прикажува бездомник кој постојано спие пред дуќанот на еден човек, а човекот постојано го клоца, удира и истура вода. Еден ден бездомникот повеќе го нема, а човекот се прашува каде е. На крајот, преку безбедносната камера се гледа дека всушност бездомникот го штител неговиот дуќан, и на крајот штитејќи го, бил убиен.

 

„Sad sister“ е реклама од „National Cancer institute“ е уште една депресивна тајландска реклама. Ја раскажува приказната за сестри кои постојано се караат, се` додека дознаат дека една од нив има рак.

 

Пфавит Читракорн, директор на маркетинг агенцијата „Thai Life Insurance“ вели дека не е целта да се расплаче публиката.

„Нашата главна цел не е публиката да плаче. Сепак, ние сакаме луѓето да ја ценат вредноста на животот, која е основната вредност на брендот. Она што луѓето треба да знаат е дека нашата компанија ја сфаќа вредноста на животот, и создава можности за своите клиенти“, вели тој.