Научници од Институтот за истражувања за рак во Лондон тестирале нова комбинација од лекови со која може да се излекуваат пациенти со рак на главата и на вратот.

Терапијата се состои од два лека за имунотерапија, ниволумаб и имилимумаб, а ги намалува туморите што се во напредни фази. Некои од пациентите што учествувале во тестирањето целосно се излекувале, а најголем дел од учесниците живееле три месеци подолго од оние што примиле вообичаена хемотерапија.

Ова може да биде чекор напред кон пронаоѓањето третман кој може да ги спаси или барем да им помогне на пациентите што се во напредна фаза на болеста.


Новиот третман целосно излекувал пациент со дијагноза на рак на грлото кој му се проширил на белите дробови. Пациентот го примал третманот осум недели, а потоа примил и хемотерапија и со операција му бил отстранет ракот од белите дробови. Тој открил дека за време на терапијата продолжил да живее нормално и не забележал несакани ефекти.

Сепак, третманот немал статистички значајни ефекти кај сите пациенти, па затоа научниците не може да бидат сигурни дали тој навистина би бил ефикасен на масовно ниво.

Извор: Futurism
Фото: Pixabay