Како лидер на пазарот во имплементација на модерни банкарски технологии, ПроКредит банка уште во 2015 година овозможи автоматизирана услуга за готовински операции преку Зона 24/7 и инвестираше во развој на поголем број дигитални услуги, поради тоа веќе години наназад безготовинските и готовинските платежни трансакции се 100% дигитализирани, со што се минимизира потребата за физичко присуство на клиентите во банката.

- Во оваа вонредна состојба ние влеговме подготвени со напредни дигитални опции за клиентите, кои им овозможуваат лесен, брз и безбеден начин сами да управуваат со своите сметки од удобноста на својот дом, без чекање во редови и дополнително загрозување на нивното и здравјето на нивните најблиски. Преку дигиталните платформи на банката клиентите може електронски да потпишуваат договори, да отвораат трансакциска сметка, да дополнуваат и повлекуваат пари од штедните сметки, да орочуваат нови депозити, како и да процесираат секаков тип плаќање во земјата и во странство. Со овие дигитални услуги клиентите имаат комплетна флексибилност, сигурност и дискреција при раководење со своите лични финансии или финансиите на својата компанија – изјави Марина Ѓурѓовска, директор за секторот за физички лица и мрежа на експозитури.

Во овој вонреден период се забележува раст на користењето онлајн-услуги во сите дејности, па така и во банките. Можеме да очекуваме дека по завршувањето на пандемијата корисничките навики на клиентите ќе се променат и дигиталната услуга ќе стане приоритет во секојдневното работење и живеење. ПроКредит банка како единствената дигитална банка на пазарот е во предност бидејќи и досега одлично функционира во дигиталниот свет на услуги.