Денес, се чини дека стресот е насекаде, цело време, за разлика од ретките и моментални стресови што ги имале нашите предци-ловци. Еволуцијата предизвика нашата реакција на стрес да трае неколку минути додека бегаме од тигар. За добро или лошо, тој вид стрес брзо поминува.
Но, постојаниот стрес е модерна болест за која нашите тела не се подготвени. Тоа може да доведе до анксиозност, невроза и депресија.
Новото истражување на д-р Кинг Ли и нејзините колеги од Универзитетот во Сечуан покажало дека глувците изложени на стрес имаат намалено количество на бактерии лактобацили, кои ги засилуваат имунолошките клетки што ги таргетираат туморите. Како последица на нивното губење, туморите на дебелото црево се развиваат побрзо. На овој начин д-р Ли открила дека стресот може да ги зголеми шансите за појава на рак на дебелото црево.
Ова се споредува со претходната студија спроведена од Јатрик Шах на Универзитетот во Мичиген, која исто така открила дека стресот го намалува лактобацилот и го подобрува растот на туморот на дебелото црево. Во двете студии додавањето на лактобацилот како додаток ја забавило прогресијата на туморите.
Двете студии биле спроведени на глувци.
Но, постојат некои познати техники за подобрување на нашиот цревен микробиом и не може да се погреши ако се следат овие три главни упатства.
Исхрана
Исхраната е лесен пат за отпорност на стрес. Кога ги храните вашите добри микроби, тие произведуваат супстанции наречени масни киселини, кои ги хранат и лекуваат клетките на цревата. Тоа му помага на цревото да се бори против лошите микроби, намалувајќи го воспалението.
-Враќањето на корисните бактерии во цревата, како што се лактобацилите, може да ја зајакне природната одбрана на телото против колоректалниот карцином - вели д-р Ли.
Каква храна сакаат вашите корисни микроби? Влакна. Ова е компонента на растенијата што им дава вкочанетост. Влакната обично се создаваат со долги синџири на молекули на шеќер, а можете да ги најдете во кромид, грав и артичоки. Полифенолите се исто така клучни за здравјето на вашите црева, а можете да ги најдете во јаткастите плодови, црвеното грозје и чоколадото. Исто така, јадете овошје со влакна и полифеноли како јагоди, боровинки и малини.
Вежбајте
Вежбањето го зголемува ендорфинот и прави да се чувствувате подобро. Пливањето, играњето тенис или пешачењето во шума може да направат чуда за да ви го олеснат умот. Вежбањето, исто така, помага да се балансираат микробите во цревата, одржувајќи ја цревната обвивка цврста против воспалителни патогени.
Став
Ханс Селје е познат како татко на истражувањето на стресот и тврдеше: „Не убива стресот; туку нашата реакција на него“. Тоа значи дека нашите ставови се важни кога станува збор за справување со стресот.
Истражувањата покажале дека когнитивната бихевиорална терапија и медитацијата можат да го подобрат вашиот микробиом.
Обидете се да се смеете. Вашите пријатели и колеги ќе ви возвратат со насмевка. Тоа е заразно, а и се намалува притисокот што го чувствуваме секојдневно.
Со добра исхрана и често вежбање, многу е полесно да ги ублажите емоциите и да го претворите стресот во предизвик што можете да го победите.
- Кога на луѓето им се дијагностицира малигно заболување како колоректален карцином, природно е тие да се загрижат. Сепак, овие емоции не се корисни за нивната состојба. Нашите наоди сугерираат дека пациентите треба да се обидат да го приспособат својот начин на размислување за да се избегне понатамошно влошување на болеста - заклучува д-р Ли.
Ако ги одржувате цревата во добра форма, шансите да добиете рак на дебелото црево се намалуваат. Тоа е прилично добра награда за малку вежбање, подобра исхрана и неколку дополнителни насмевки.
Извор: psychologytoday.com
Фото: Freepik