Истражувањата покажуваат дека близината до вода ве прави посреќни, па затоа најдобро би било наредниот одмор да го резервирате на плажа.

Без оглед дали ја пиеме, дали пливаме во неа или едноставно гледаме во неа, се покажува дека водата ја подобрува нашата ментална и физичка благосостојба.

Според Валас Џ. Николс, автор на „Син ум“, ние природно сме привлечени од синилото на мајката природа во голема мера затоа што луѓето тоа го поврзуваат со смиреност.

Размислете: кога одиме на одмор за да се оддалечиме од нашите секојдневни животи, сакаме да одиме покрај вода, без оглед дали тоа е езеро, море или океан. Понекогаш плаќаме стотици, па дури и илјадници за да бидеме близу вода.


Истражувањето спроведено во Велика Британија ја поддржува идејата на Николс. Луѓето што живеат во близина на море генерално се поздрави и посреќни.

Исто така, постои и идејата за нешто што е познато како „сина вежба“, при која внесувањето на морето во физичките активности на луѓето (без разлика дали тоа е пливање, пловење со кајак или едноставно пешачење по плажа), може да го подобри вашето расположение.

Ако физички се наоѓате во вода, ќе имате уште поголема корист бидејќи истражувањата покажуваат дека тоа може да го намали нивото на хормоните за стрес, крвниот притисок, проблемите со спиењето. Исто така, може да им помогне на мускулите да закрепнат од вежбањето, а помага и во креативноста.

Но, ако не сакате да влегувате во вода, и слушањето на звукот на брановите може да го намали нивото на стрес: истражување од шпанскиот универзитет во Гренада открива дека луѓето го поврзуваат звукот на водата со позитивни чувства. Исто така, не е невообичаено луѓето да го слушаат звукот на брановите за да заспијат.