Успехот ретко се случува преку ноќ, особено во работата. Таму успехот речиси секогаш е резултат на долгогодишен напор.

Истражувањата покажуваат дека 60-годишен основач на компанија има трипати поголема веројатност да основа успешна компанија отколку 30-годишен.

Накратко, колку подолго и поздраво живеете, толку е поголема веројатноста да бидете успешни.

Но, како можете да знаете дека сте изложени на поголем ризик од прерана смрт? Во продолжение ви нудиме неколку едноставни тестови.

Само имајте на ум дека секој тест дава индикации, а не сигурност. „Положувањето“ на некој од овие тестови не гарантира помал ризик од смртност.

Тест за склекови

Истражувачите им рекле на учесниците да направат физички тест и стрес-тест, како и тест за склекови. Во текот на наредните 10 години тие утврдиле дека мажите што можеле да направат 40 или повеќе склекови за време на основниот испит имале 96 отсто помали шанси да доживеат кардиоваскуларен проблем од оние што можеле да направат 10 или помалку.

И покрај тоа што аеробниот капацитет долго време се сметаше за златен стандард за процена на тоа колку еден човек е во добра физичка форма, склековите биле посилно поврзани со намален ризик од кардиоваскуларни болести.


Сè што треба да направите е да се загреете, да се опуштите и да почнете да правите склекови. Ако треба да застанете и да одморите, тогаш тоа значи дека сте завршиле.

Ако сте маж и можете да направите 40 или ако сте жена и можете да направите од 16 до 20, тоа е прекрасно.

Ако сте маж и можете да направите 15 или 20, или 8 или 10 ако сте жена, тоа и не е баш добро.

Ако можете да направите само 10 или 5 или помалку, тогаш ризикот од срцеви заболувања е над 30 пати поголем отколку кај луѓето кои можат да направат 40 или 20 или повеќе.

Тест за пешачење

Истражување на Универзитетот во Сиднеј покажа дека луѓето што можат да одат со брзо темпо 4 до 6 километри на час, имаат 24 отсто помал ризик од смртност во споредба со оние што одат со бавно темпо.

Истражувањата покажале дека зголемувањето на темпото на одење може да биде директен начин за луѓето да го подобрат здравјето на срцето.

Тест за седнување и станување

Истражување објавено во „Јуропиан журнал оф превентив кардиолоџи“ покажа дека во зависност од тоа колку лесно можете да преминете од стоење на седнување и пак на стоење, се покажува дали сте изложени на поголем ризик од смртност.

Еве како функционира: Застанете боси на подот со слободен простор околу вас. Прекрстете ја едната нога преку другата и спуштете се во седечка положба. Потоа станете на ист начин.

Целта е да го направите тоа без да го допрете подот со рацете, колената, лактите, подлактниците или страните на нозете.

Дајте си поени. Започнете со 10 поени и одземајте половина поен за секој пат кога требало да ја искористите раката, коленото или надлактицата. Луѓето што имаат помалку од 8 поени, имаат двапати поголем ризик од смртност во наредните шест години во споредба со оние што постигнале повисоки резултати.

Тест за силата на вашиот стисок на дланката

Истражување од 2018 година покажа дека силата на дланката функционира како посредник за мерење на вкупната сила на телото и мускулната маса.

Силата на дланката е силно поврзана со широк опсег на негативни здравствени исходи. Пониската сила на стисок е во корелација со поголема инциденца на кардиоваскуларни болести, хронично опструктивна белодробна болест и разни видови рак.

Еден начин да ја тестирате силата на вашиот стисок на раката е да користите динамометар.

Но, бидејќи повеќето немаат, друг начин да се процени силата на стисокот е да висат на шипка онолку долго колку што можат. За мажите, 60 секунди се добра цел. За жените, 30.

Извор: Inc.com
Фото: Freepik