Додека државите брзаат да најдат третман и вакцина за Ковид-19, Јапонија истовремено се труди да го намали ширењето на коронавирусот. Се чини дека успева со оглед на тоа што во земјата нема доволно пациенти за да се спроведат клинички тестирања за потенцијални вакцини и лекови.

Во моментов низ светот се развиваат повеќе вакцини, меѓу кои и шест во Кина. Првите тестирања на луѓе на вакцината што ја развива Јапонија треба да почнат наредниот месец.


Во меѓувреме, Русија и Индија веќе го одобриле лекот „авиган“ на јапонската „Фуџифилм холдингс корп“ како терапија за Ковид-19, но Јапонија нема да успее да донесе одлука за лекот пред јули.

- Поради намалувањето на бројот на заразени пациенти со коронавирус, сметаме дека ќе треба повеќе време за да се заврши клиничкото истражување - изјавил Тетсуа Накамура, кој работи на тестирањето на лекот во болница во Јапонија.

Јапонија подобро се справува со коронавирусот од повеќето развиени држави. Епидемијата речиси доведе до колапс на јапонскиот здравствен систем во последните месеци, но во моментов во земјата има само 60 тешки случаи.


Во Јапонија досега се почнати 54 клинички тестирања на лекови поврзани со Ковид-19, но повеќето се во фаза на наоѓање пациенти. Интересот за „авиган“, познат и како фавипиравир, порасна во март откако во Кина било изјавено дека тој им помага на пациентите да оздрават од Ковид-19. Во моментов лекот се тестира на 25 места низ светот.

Поради недостиг на домашни пациенти, Јапонија можеби ќе треба да користи податоци и резултати од странство за официјално да одобри терапија или вакцина.

Автор: Роки Свифт
Извор: businessinsider.com