Таксито е сеприсутна градска глетка и денес. Додека жените отсекогаш биле малцинство во областа на таксистите, тие учествувале уште од почетокот на возењето моторни автомобили на изнајмување. Во 1908 година, истата година кога „форд модел Т“ ќе ги напушти производните ленти за да испише историја во Америка, две исклучителни парижанки го отвориле патот за жените-таксисти. Габи Полен и Инес Декурсел им пркоселе на родовите стереотипи за да се наметнат во машкиот свет на возење.

Фото: Unjourdeplusaparis.com

Габи Полен била храбра жена која уживала во патувањето, возењето велосипед и возењето автомобили. Според „Мотор кар журнал“ oд 1908 година, таа почнала да вози во 1902 година. За да вози такси, таа требало да биде лиценцирана и ангажирана од такси-компанија. Полен ја добила дозволата за возење моторно такси во 1908 година, но како што му кажала на новинарот на списанието „Мотор кар журнал“, имала голем проблем со вработувањето. По постојано одбивање, конечно била прифатена од една такси-компанија. Таа станала една од првите жени-возачи на моторни кабини во историјата, придружувајќи ѝ се на Инес Декурсел, исто така, во 1908 година. Се чини дека постои дебата околу тоа која жена технички првпат излегла на улиците, но секако и двете биле пионери.

Фото: Unjourdeplusaparis.com

Во 1908 година Полен изразила желба да вози на „брзинска трка“. Без разлика дали некогаш успеала со овој подвиг или не, женските возачи влегувале во машкиот свет додека сѐ повеќе луѓе купувале автомобили. Во 1909 година, Дороти Левит објавила прирачник за женски возачи. Левит била шампионски тркач со автомобили и чамци.

Фото: Unjourdeplusaparis.com