Стрес може да доживее секој од нас. Но, разновидната и балансирана исхрана може да ви помогне полесно да ги пребродите овие моменти.

Повеќето луѓе веројатно слушнале дека хормонот серотонин е поврзан со расположението и чувството на среќа. Но, можеби ќе се изненадите кога ќе слушнете дека 95 отсто од овој хормон се наоѓа во вашите црева, а не во вашиот мозок.

- Серотонинот се произведува во гастроинтестиналниот тракт. А тие клетки, доколку имаат доволно хранливи материи, ќе помогнат во производството на повисоки нивоа на серотонин, што значи подобро расположение - вели Јан Вокер, клинички нутриционист во Детската болница во Колорадо.

Иако истражувањето не е 100 отсто потврдено, Вокер вели дека трендовите покажуваат дека исхраната богата со рафинирани шеќери може да ја наруши функцијата на мозокот и да доведе до зголемена депресија.

Иако не постои магичен рецепт за типот на исхрана што би го ублажила стресот, нутриционистот Ејнџел Планелс вели дека човечкото тело сака разновидност. Ова значи дека луѓето треба да се обидат да јадат што е можно поразновидна мешавина од витамини, минерали, масни киселини, протеини и јаглехидрати за да се одржат поволни нивоа на серотонинот.

Еве неколку намирници што ќе ви помогнат во тоа.

1. Темно чоколадо

- Се покажа дека јадењето темно чоколадо го намалува хормонот на стрес, кортизол - вели Планелс. Истовремено, соединенијата наречени флаваноли можат да помогнат за релаксација на крвните садови, подобрување на протокот на крв и намалување на крвниот притисок.

2. Овошје и зеленчук

Буквално не постои причина да го заобиколите. Бананите го зголемуваат нивото на серотонин. Боровинките се полни со антиоксиданси и витамин Ц, кои го намалуваат нивото на кортизол и помагаат во ублажување на симптомите на стрес. Спанаќот, блитвата, семките од тиква, авокадото и компирите се добар извор на магнезиум, го намалуваат кортизолот и помагаат во воспоставувањето добри модели на спиење. Храната богата со калиум, како што се портокалите, дињата, брокулите, слаткиот компир, грашокот и краставиците, го стабилизира нашиот крвен притисок. А повеќето зеленчуци, како целерот и морковот, прават да се чувствувате задоволни.

3. Цели житарици


- Но, ако направиме промени, можеме да го намалиме стресот преку чувството на задоволство бидејќи на сложените јаглехидрати им треба подолго време да се варат и апсорбираат - вели Планелс.

4. Риба

Сте слушнале за добрите масти, нели? Најмногу ги има во рибата. Не само што рибата е одлична за целокупното здравје на мозокот, туку истражувањата покажуваат дека омега-3 масните киселини и витаминот Д се корисни за намалување на анксиозноста.

5. Млечни производи

Имате проблеми со спиењето? Обидете се со консумирање млечни производи, како млеко, јогурт и сирење.

- Млекото пред спиење може да помогне во ублажувањето на стресот и да обезбеди помирен сон - вели Планелс. И јогуртот е моќен извор на пробиотици, природни цревни микроби кои се клучна компонента за одржување на здравјето на целото тело.

Извор: National Geographic
Фото: Freepik