Квалитетот и количината на сон што ги добиваме влијаат врз сите аспекти на животот - од секојдневно функционирање до расположението, здравјето на нашето срце и слично.

Спиењето игра клучна улога за нашето здравје. Еден од помалку познатите ефекти на спиењето е како тоа влијае врз имунолошкиот систем, кој е одговорен за борба против инфекции.

Добриот, квалитетен сон може многу да помогне во одржувањето силен имунолошки систем. Лошиот сон, од друга страна, може да биде штетен за имунолошкиот систем, што ве прави посклони да се разболите.

Како се поврзани спиењето и имунолошкиот систем?

Во текот на часовите кога сме будни нашиот мозок и тело користат специјални хемиски гласници познати како невротрансмитери за да „комуницираат“, испраќајќи информации од нервниот систем до имунолошкиот систем (и остатокот од телото). Спиењето помага да се надополнат „резервите на овие хемикалии“. Кога некое лице има слаб квалитет на спиење или не спие доволно, ќе се создадат помалку молекули на невротрансмитери. Ова значи дека многу телесни функции, вклучувајќи го и имунолошкиот систем, нема да работат оптимално.

Додека спиеме, нашите тела произведуваат повеќе бели крвни зрнца и цитокини, кои дејствуваат како гласници на имунолошкиот систем и помагаат во борбата против инфекции и болести. Според тоа, лошиот сон предизвикува намалување на двата борци против инфекцијата, ставајќи го здравјето во опасност. Ако сте изложени на обична настинка или грип, студиите покажуваат дека лошиот квалитет на сонот и пократкото времетраење на спиењето во неделите пред таа изложеност може да ги зголемат вашите шанси да се разболите.

- Недостигот на сон го прави човекот поподложен на настинка - потврдува Викторија Глас, доктор по медицина и медицински истражувач.

Спиењето е уште поважно кога сте болни