Позитивните промени, кои секој сака да ги види во своето опкружување, започнуваат во самите нас. Поединците го придвижуваат напредокот, а нивните акции стануваат инспирација и мотивација за другите... и така сонот станува реалност.
Кога една компанија во своето работење применува принципи како човечност, заедништво и емпатија, работата се претвора во вистинско задоволство, а годините минуваат како минути – вели Билјана Миленовиќ, регионален менаџер на продажба во dm дрогерие маркт.
На првата работна позиција, како асистент во секторот набавка, задолжена за сопствените dm брендови - познатите dm Марка производи, Билјана успева да ги запознае процесите на работа на компанијата, планирањето, како и квалитетот на овие производи. Благодарение на нејзиното претходно искуство стекнато во Германија, поминуваат само 10 месеци до нејзиното ново работно место како менаџер на продажба. Денес, десет години подоцна, Билјана е неизоставен дел од успешниот тим кој раководи со 22 дрогерии во 10 града.
- Уште кога живеев во Германија и првпат влегов во dm, имав желба да бидам дел од еден таков прекрасен тим! За мене, моите почетоци во dm значат целосна реорганизација на мојот живот и, верувале или не, преселба на целото семејство од Германија повторно во нашата родна земја, по цели 15 години.
Вистински придонес за заедницата и препознавање на нејзините потреби е еден од основните постулати на dm дрогерие маркт како компанија, вели Билјана Миленовиќ, која својата кариера во dm ја започна пред точно десет години. Како некој кој е веќе една деценија во директен контакт со купувачите и вработените, Билјана ја наоѓа најголема инспирација токму во нив, задоволните купувачи и вработени.
Позитивните начела што компанијата ги негува се една од главните причини зошто Билјана избира да ја гради својата кариера во dm веќе десетта година. Како што објаснува, почитта и колегијалноста се на највисоко ниво уште од првиот работен ден, придружени со постојано подобрување и напредување во рамките на оваа креативна и динамична индустрија.
Потврда за позитивното работење на компанијата е и постојаниот општествено-одговорен ангажман, крунисан со многубројни донации и активности поврзани со општественото добро. Покрај тоа, на секое отворање на нова дрогерија, dm организира хуманитарни активности, при кои дел од остварениот промет се донира на локални институции кои даваат помош и поддршка на оние на кои им е најпотребно.
- Нашата компанија, исто така, инвестира во развој и напредок на вработените, како на личен така и на професионален план. Покрај организацијата на многубројни работилници, курсеви и семинари, кои им помагаат во кариерата на вработените, компанијата спроведува и многубројни активности насочени кон зачувување и подобрување на здравјето на вработените – наведува Билјана.
Како една од активностите за професионален развој, таа ја издвојува постојаната дигитализација во работењето, обезбедување на смартфони за сите вработени во дрогериите, како и многубројни модерни апликации преку кои на вработените им се олеснува секојдневното работење, меѓусебната комуникација и комуникацијата со купувачите.
Првпат оваа година вработените во dm ќе имаат можност, во соработка со другите концернски земји, преку проектот dm Академија да ги прошират своите професионални компетенции и да станат првите обучени дрогеристи на македонскиот пазар. Токму ова е еден од проектите што Билјана го истакнува како посебен бидејќи очекува да донесе многубројни придобивки, како за купувачите така и за самите вработени.
Во слободното време Билјана се релаксира со вежбање јога и работи на полето на постојана мотивација и самоподобрување.
- Мојата филозофија е едноставна... однесувај се со другите онака како што сакаш и тие да се однесуваат со тебе. Секогаш верувај во себе и следи ги своите соништа – вели таа.
И, додека Билјана Миленовиќ, како член на еден извонреден тим, продолжува да дава свој придонес кон компанијата и заедница, dm ѝ дава целосна поддршка, следејќи го воспоставениот принцип уште од отворањето на првата дрогерија во далечната 1973 година: Човекот во фокусот на сите активности на компанијата.
(Комерцијална објава)