Бидете дел од настанот „Дигитални технологии во одржливи системи за храна“ финансиран од ЕУ програмата на Хоризонт 2020 преку проектот Cities2030.

Проектот Cities2030 претставува граѓанска иницијатива која е поддржана од моќен конзорциум составен од 41 организација од 19 различни европски земји. Визијата на Cities2030 е да ги поврзе синџирите за снабдување со храна, градовите и регионите, потрошувачите, индустријата, граѓанското општество, стартапите и претпријатијата, иноваторите и визионерите, водечките универзитети и истражувачки центри низ огромната разновидност на дисциплини, вклучувајќи ги науката за храна, општествените науки и технологиите.

Настанот „Дигитални технологии во одржливи системи за храна“ е организиран од страна на Cities2030 партнерите од Северна Македонија:

• „Аг Футура Технологии“ од Скопје

Настанот ќе се одржи во хотелот „Холидеј ин“ во Скопје, Северна Македонија, на 14-15 ноември 2023 година.

Почеток и времетраење на настанот: од 9:00 до 16:00 часот.

Овој настан ќе послужи како платформа на која експертите, иноваторите и другите чинители ќе ги анализираат различните аспекти на примена на дигиталните технологии во насока на обезбедување одржливост, отпорност и циркуларност во синџирите за снабдување на храна.

Учесниците ќе се вклучат во дискусии, ќе споделуваат свои мислења и искуства, ќе презентираат најдобри примери, но и ќе креираат мрежа за соработка во промовирање еколошки свесни практики и технолошки напредок во областа на производството и дистрибуцијата на храна.

(Комерцијална објава)