Откако Католичката црква го променила пресметувањето во 500 година од нашата ера, Етиопската православна црква не го направила тоа. Затоа, нивниот календар заостанува 7 години и 8 месеци. Така, во Етиопија Новата година се паѓа на 11 или 12 септември кога е престапна, на почетокот на пролетта на јужната хемисфера. Во септември Етиопија ја прослави 2014 година.

Секој од 12. месеци има 30 дена, додека тринаесеттиот, последниот во годината, има пет или шест дена, во зависност од тоа дали е престапна година. Се нарекува пагуме, изведен од грчкиот збор кој го означувал деновите што биле заборавени да се пресметаат.

И времето се пресметува различно - денот е поделен на два дванаесетчасовни дела со почеток во шест часот, што значи дека пладне и полноќ паѓаат во шест часот по етиописко време. Значи, ако некој ве покани на кафе во Адис Абеба во 10 часот наутро, немојте да се зачудите ако се појави во 16 часот.


Целата реге-култура и растафаријанците се тесно поврзани со оваа земја бидејќи верувале во црн крал кој ќе ја обнови империјата. Така тие почнале да го следат Хаиле Саласи, етиопскиот крал крунисан во 1930 година. Растафаријанците верувале во конечното враќање на сите робови и нивните деца назад во Африка. Боб Марли одиграл клучна улога во ширењето на растафаријанската порака - а стиховите од неговата поема „Војна“ го цитираат обраќањето на императорот во 1963 година до Генералното собрание на Обединетите нации повикувајќи на мир: - Сè додека една филозофија смета дека една раса е супериорна, а друга инфериорна, не е конечно и трајно дискредитирана и напуштена... до тој ден, африканскиот континент нема да знае за мир.